Kelakar Wong Palembang (2)

Persembahan: Ir H Sarimuda MT
Kadishubkominfo Sumsel

* * * * * * * * * * * * * * * * * * * * * * * * * * * * * *

Pameran Monyet

Pamenran monyet yang digelar oleh beberapa kelompok penyayang binatang mendapat sambutan yang meriah dari warga sekitar lokasi tempat penyelenggaraan, termasuk juga para pakar hewan.

Kelompokk pakar darii Palembang berkeliling jingok’i macam-macam jenis dan hargo monyet yang diperagakan dan sampe lah mereka di Stand monyet Palembang yang kebetulan hari itu dijago Cek Mat.

Pakar : “Selamat sore Mang.”

Cek Mat : “Selamat sore jugo, Pak.”

Pakar : “Monyet-monyet ini punyo kau galo?!”

Cek Mat : “Bukan pak… aku jago’i bae.”

Pakar : “Kalu yang besak itu dijual berapo?”

Cek Mat : “Duo juta Pak.”

Pakar : “Wahh… mahal nian apo kelebihan nyo?

Cek Mat : “Dio pacak nari Pak.”

Pakar : “Nah… kalu yang lebih kecik itu berapo?”

Cek Mat : “Tigo juta.”

Pakar : “Lho kok lebih mahal, apo kelebihannyo?”

Cek Mat : “Pacak nari, pacak jugo naek sepeda.. nak beli dak Pak?!”

Pakar : “Jingok-jingok dulu….”

Pakar : “Kalu yang item ini, berapo?”

Cek Mat : “Sepuluh juta!”

Pakar (??): “Ngapo mahal nian mang..??”

Cek Mat (sambil cuek): “Dak tau lah… uji yang punyo yang ini ahli komputer!”

Kembang Buat Tetanggo

Sudah setahun pernikahan, bini Si-Anang selalu mengeluh tentang pembawaanlakinyo yang bener-bener dingin, dak katek dikit jugo romantis, sampe tiap arisan dio selalu curhat minta saran supayoo Anang ado perubahan.

Pernah dulu Ibu tetanggo yang di ujung, nyaran-ke supayo beli buku tentang “Membina rumah-tangga bahagia” dan letak-ke disamping kursi males lakonyo, biar pagi-pagi dibaco atau paling idak dibawa kekantor untuk dibaco… tapi, yang terjadi sebaliknyo, malah dio disuruh lakinyo baco buku itu.

Sampe satu saat bininyo nganter Anang ke grasi nak berangkat kekantor, bertepatan tetanggo sebelah rumah jugo nganter lakinyo kedepan.

Bini : “Kak… jingok tetanggo sebelah kito yang baru pindah tuu!”

Anang : “Emang ado apo?”

Bini : “Jingok’i pake mato kau tuu.. tiap pagi sebelum berangkat gawe, lakinyo selalu nyium bininyo, kalu balek begawe dio bawak kembang mawar, mesra nian wong tuu…ngapo kakak dak pacak cak itu!”

Anang : “Oii… aku pacak bae bawak-ke kemabang tuu, tapi makmano, aku kan dak kenal dengan bini nyo.”

Bini : “Maksud ku kembang tuu buat bini kau… buat aku, bukan buat bini wong tuu… LOLOO…!”

Kamsia, Galo-Galo

Ujang sore itu ladas nian, panen kopi lah dilunasi pembeli. Dengan langkah mantep ditambah celano yang bekantong empat tu berisi duit galo, dio berangkat ke Palembang dan mampir di toko elektronik.

Hampir segalo barang elektronik keperluan rumah tangga diborong nyo galo, mulai dari Rice-cooker, blander, sampe Kipas angin disikkatnyo galo.

Sewaktu asyik nyari-nyari barang lainnyo, dio tekejut jingk pemilik toko mencet mesin sambil ngomong dewek’an: “kopi tigo!” Dan anehnyo, dak nyampe limo menit bener-bener datang kopi tigo cangkir.

Sewaktu minum kopi, Ujang berpikir… “Alangke hebatnyo barang ini cak lampu Aladin, tinggal ngomong barang langsung datang….” Tapi ngapo bentuknyo bukan cak lampu?! laanjut Ujang dalam hati. “Ahh… baiknyo kucubo dulu sebelum kubeli…”

Ujang : “Ko.. kopi yang kuminum ini pesen nyo dari alat itu yo?”

Pemilik Toko : “Yo pak… dengan alat ini.”

Ujang (dengan gaya sok tau): “Cubo pesenke nasi goreng!”

PemilikToko : “Baik pak..”

Kali ini jelas nian pemilik toko mgomong dengan alat itu, dak lamo nasi goreng pun datang.

Ujang (dengan sigap): “Ko.. ado berapo barang itu!
Pemilik Toko : “Tinggal duo unit lagi pak…”

Ujang : “Kubeli galo langsung bungkus-ke..!”

Pemilik Toko : “Baik pak… tapi aku jelaske dulu pesawat intercom ni, samo caro make nyoo pak…!”

Ujang (dengan gensi): “Dak usah…. aku lah tau, lagian katek waktu!”

Sampe di dusun nyo Ujang langsung ke rumah, diseting nyo segalo belanjo’an tu, setelah rampung dio cerito samo bini nyo.

Ujang (dengan bangga): “Nah… aku meli alat hebat nian, lampu Alading masa kini! Kau nak makan apo bae… ku-omongke dengan mesin ini, dak lamo lagi makanan pesenan kito ado yang nganteri!”

Bininyo : “Apo bener kak, oii.. hebat nian! Cubo pesen pindang patin.”

Ujang pun ngomong dengan mesin itu : “Pindang patin, kopi duo, nasi goreng ayam tigo.”

Limo menit ditunggu, sepuluh menit, satu jam, duo jam dak jugo muncul-muncul pesenan tuu..

Bininyo : “Aii.. kak, kau ni nak mudi-ke tu la, mano ado mesin cak lampu aladin, baiknyo masak dewek bae kito!”

Ujang : “????”

Besoknyo langsung dibawakknyo barang tu ke toko tempat dio meli, sambil marah-marah.

Ujang : “Sialan kau tu… nak nipu kami yo. Ini barang kau… sekarang jugo balek-ke duit aku!!!”

Pemilik Toko (sambil kebingungan): “Baik pak, kubalek-ke tapi apo masalah nyo dengan dengan barang ini pak?!”

Ujang : “Udah jangan banyak ngomong lagi, untung aku belum marah!”

Pemilik Toko : “Baik pak… kamsia… kamsia…!”

Beberapo langkah dari toko itu, ujang penasaran ditanyo supir: “Apo dio maksud pemilik toko ngomong, kamsia.. kamsia tuu..

Supir : “Oii.. maap pak, kito ni dikato’i nyo lolo galo!”

Ujang : “Wahh… balik lagi k toko itu!”

Sampe di toko langsung di-ampiri pemilik toko. Dengan suara lantang katonyo: “Kaau tu, mak kau, bak kau… KAMSIA GALO-GALOOOOO….!!!”

Kado si Anang

Saat bangun pagi Muna istri Anang sambil manjo-manjo layaknya pengantin baru ngomong: “Kak malem tadi aku mimpi, kakak tuu ngenjok aku kalung berlian dihari ulang taun ku, tau dak apo arti mimpiku?”

Anang (dengan kalem): “Tenang bae sayang, malem ini jugo kau pasti tau…”

Sambil nganter kepergian lakinyo begawe pagi itu, Muna membathin.. “Alangke beruntung nyo dio milih Anang jadi lakinyo, penuh pengertian dan bener-bener “gentle” sudah dipastike dio tau hadiah terbaik untuk bini dihari ulang tahun nyo malem ini.

Bener bae Anang ballek bawak kado dan langsung ngenjok-ke Muna. Dak buang waktu lagi, bangga, sedikit gemeter campur haru Muna pelan-pelan buka kado pemberian lakinyo, ternyata isi nyo buku “Arti-arti mimpi.”

Muna langsung melompat kekamar sambil teriak….. “ANAAAANGGGGG….!!!!”

Ngembek Geli-Gelinyo

Acara panjat pinang tujuh belasan taon ini yang diselenggarakan di 20 Ilir Palemabang rame nian. Berbeda dengan taon lalu, taon ini hadiahnyo bukan cuma lebih banyak, tapi jugo lebih menarik sampe sepeda jugo digantung di pucuk pohon pinang sebagai hadiahnyo.

Peserta nyo lebih banyak jugo, hampir sekampung milu galo. Panitia sengajo cari pohon pinang yang besakdn tingginyo sampe delapan meter, udah itu pohon nyo dibalut dengan pelumas yang licin dan luarnyo dibalut lagi dengan minyak gemuk. Panitia mengolah pecak itu mempertimbangke hadiah nyo lebih banyak dari dari taon lalu.

Cengki bae kejadian nyo banyak pemuda kampung gagal, termasuk Udin (Bujang gang sadar) yang dikenal punyo kemampuan cak monyet kalu manjat pohon kelapo gagal jugo.

Sampe Mat Sani preman Pasar Cinde tertarik pulo, melok nyubo manjat tapi setelah empat kali nyubo gagal, dio pun kepayahan.

Tau-tau si Leman (Banci kaleng Pasar 16) sambilngegulung sarung menerobos bujang-bujang yang berkerumun: “Dasar lanang sini lelet galo… manjat bae dak kuawo!!!”

Mulonyo bujang-bujang tu nak marah tapi setelah jingok teknik manjat si-Leman ngeyakin-ke, dari se-meter ke se-meter dio berhasil nyampe kepucuk, malah mereka menjadikagum campur aneh.

Menjadi aneh kareno si Leman waktu lah dipucuk tapi hadiah yang diembeknyo cuma sikok-sikok, walau sebenernyo dio pacak narik hadiah lebih banyak.

Keanehan lain lagi tingkah nyo waktu meluncur ke bawah dio teriak-teriak: “Aiiiihhh… geliiii..!” lalu manjat lagi, turun lagi sambil teriak: “Oiiii… geli… geli.. (dengan lagak bancinyo).

Selang setengah jam kemudian arena panjat pinang itu ditinggal-ke nyo walau hadiah dipucuk masih ado.

Bujang-bujang nanyo: “Oii.. Leman.. ngapo dak kau abiske hadiah nyo?”

Si-Leman: “Aii.. aku dak peduli dengan hadiah tuu.. aku manjat tu cuma ngembek geli-gelinyo bae..!!”

Bujang-bujang (????): “Dasar banci….”

KELAKAR WONG PALEMBANG
Oleh: Firdaus Ali
Penerbit: Media Sobiz