Kelakar Wong Palembang

Persembahan: Ir H Sarimuda MT
Kadishubkominfo Sumsel

* * * * * * * * * * * * * * * * * * * * * * * * * * * * * *

NGINEP di SANO

Siang itu Pengadilan Agama dipenuhi wong nak becerai. Banyak di antaro pengunjung yang berkepentingan mengeluh karena gugatan cerai mereka seringkali ditunda-tunda untuk jangka waktu yang dak jelas. Terlebih lagi hakim selalu pake alasan standar bahwa keluargo mereka sesungguh nyo masih pacak bersatu lagi, hanya diperlukan waktu panjang untuk mendinginkan masalah. Setidaknya itulah alasan normatip hakim.

Keadaan jadi beda ketika hakim menyidangke gugatan cerai Maimuna terhadap Si-Dul yag sudah delapan taun bekeluarga.

Hakim: “Apo yang membuat kaumenggugat cerai dengan laki kau? Karena kalian belum punyo anak?”

Maimuna: “Bukan itu Pak Hakim.”

Hakim: “Kalu bukan, lantas apo?”

Maimuna: “Aku dak tahan Pak Hakim, selamo delapan taun umur pernikahan kami, lakiku hobby nyo selingkuh!”

Hakim (beralih nanyo Si-Dul): “Apo bener, Pak?”

Si-Dul: “Dak bener Pak Hakim!”

Hakim: “Lho… jadi makmano ini, cubo jelas-ke ngapo kau jugo setuju untuk bercerai?”

Si-Dul: “Aku dak tahan… selamo perkawinan bini-ku galak dak balik keruma samo galak bohong terusssss!”

Hakim: “Ado bukti?”

Si-Dul: “Duo hari yang lalu dio bohong lagi, katonyo dari ruma ponakan nyo dak taunyo dio ke ruma kawan nyo yang jando itu!”

Hakim: “Makmano kau tau?”

Si-Dul (cengengesan): “Kareno aku nginep di sano.”

Hakim: “Brengsek, perceraian kalian kukabul-ke, cepet tinggalke ruang sidang ini!”

PESEN DUKUN

Anang hampir bae putus aso jelang umurnyo empat puluh taon tapi masih jugo belum dapet jodoh. Sampe akhirnyo dio ketemu Mat Ali yang nyuruh nyo untuk ke Dukun yang tekenal ampuh didusunnnyo.

Sampe ditempat, ternyata dukun yang ditemui bebeda dengan dukun kebanyakan, dukun ini ngetrend dan nyantai

Anang: “Selamat sore Pak?”

Dukun: “Selamat sore jugo, apo yanng pacak kubantu?”

Anang: “Tolong di-jingok’i Pak… ngapo aku ni sulit dapet jodoh?”

Dukun: “Ohh…. cewek makmano yang kau pengen tu… ?”

Anang: “Cewek cantik, putih, tinggi, pinter, perhatian dan cinto samo aku!”

Dukun: “Oii… mantep nian pilihan tu.”

Anang: “Tolong lah pak…!”

Dukun: “Hmmm… kau mesti jalanke ajaran 3-B

Anang (dengan semangat): “Apo itu Pak, pasti aku jalanke.”

Dukun: B kesatu – Berusaha…. apo kau sudah berusaha?!”

Anang: “Sudah Pak, hampir segalo dusun lah kukelilingi, banyak tempat kudatangi, dari musim duren sampe musim rambutan aku terus mencari, tapi ujung-ujungnyo dak berhasil jugo.”

Dukun: “Kalu mak itu kau harus jalani ajaran B keduo – Berdoa, apo sudah kau jalani jugo?!”

Anang: “Pak… kalu urusan bedoa, terus terang aku dak pernah lupo, sampe puaso Senin-Kamis pun kulakoni!”

Dukun: “Hmmm… kalu cak itu artinyo tinggal ajaran ketigo bae!”

Anang: “Apo itu Pak?”

Dukun: “BEKACO…!”

Anang: ??????

Penyesalan Bini

Muna dak pernah abis pikir samo Anang laki nyo yang pecak dak peduli samo rumah tanggo mereka, terlebih lagi dengan dio selaku bini nyo.

Ampir tiap hari dio mesti marahh-marah oleh tingkah lakinyo, dari lemari yang abis dibuka idak ditutup lagi, gelas pecah idak dibersihke walaupun dio yang mecah-ke dan yang lebih membuat Muna kesel waktu ulang-taunnyo, si Anang malah ecak-ecak lupo saking pelit nyo.

Sampe satu malem Muna kebangun, tekejut tejingok laki nyo sedang tegak menatap lurus photo nikah mereka yang memang dibuat bagus dan lux, tapi selamo ini belum pernah Muna jingok ekspresi muka laki nyo serius cak itu.

Kadang-kadang tesenyum sambil geleng-geleng palak cak kagum, lalu cak terharu, lalu narik napas panjang, lamo mak itu terus.

Sungguh dak disangko kalu ternyato laki nyo sebenernyo romantis, dak pernah disadarinyo kalu jauh dalam pikiran lakinyo selamo ini telah memendam perhatian yang begitu tinggi terhadap pernikahan mereka.

Diam-diam banyu-matonyo netes, menyesalkan peristiwa sore tadi waktu lakinyo balekk gawe minta dibuatke kopi bukan dio dewek yang buat tapi disuruhnyo pembantu.

Saat itu jugo dio ikrar akan ngenjuk-ke layanan terbaik, pokoknyo “best of the best” untuk lakinyo, mulai malem ini.

Dihampirinyo lakinyo, dipelluknyo dari belakang lalu ditariknyo sambil ngomong: “udahlah kak… kito tiduk dulu yukk.?”

Anang pun dak kalah lagak, dibuatnyo pecak langkah berat waktu dituntun bini tu.

Di ranjang bininyo mulai dengan penyerangan pembukaan, genit-genit manjo sambil nanyo: “Kak… tadi dalem nian merenung-ke pernikahan kito, lamo kakak tu jingok’i photo nikah tuu..”
br />Anang: “Bukann cak itu, aku bener-bener dak habis pikir, ngapo bingkai photo cak itu bae mahal nian sampe do juta…?”

Bininyo: “Haaaaa?!!! pegi kau ke kamar sebelah… SIAAAAALLL…..!!”

Yang Gratis Bae

Setelah nonton TV si-Dul ngeraso gampang untuk niru atraksi pesulap seperti masuk-ke biji kacang ijo darikuping nyo lalu diurut dikit dan biji kacang ijo pun keluar dari mulut.

“Samo-samo makan nasi, ngapo dio pacak aku dak pacak, cuma urusan latian bae….” pikirsi-Dul.

Tapi waktu dio cubo masuk-ke biji kacang ke kuping nyo, yang terjadi malah biji kacang itu semakin masuk ke dalem, janganke dikelluarke dari mulut, dikorek-korek dari kuping nyo tetep bae dak pacak, sudah seharian dicubo dan dicubo tetep dak pacak, akhirnyo diputuske nyo ke dokter.

Besoknyo di dokter ahli THT.

Dokter: “Selamat sore…”

Dul: “Selamat soore Dok.”

Dokter: “Ado keluhan apo?”

Dul: “Kupingku kemasukan biji kacang ijo, Dok..”

Dokter: “Cubo tiduk’an dulu!”

Dokter lalu memerikso kuping si-Dul, ruponyo biji kacang itu sudah saro untuk dikeluarke dengan caro biaso.

Dokter: “Waahh… harus dilakuke operasi kecik mang..!”

Dul: “Berapo biayanyo Dok?”

Dokter: “Duo juta bae..”

Dul: “Oiii.. cuma urusan se-biji kacang, mahal nian Dok, sekilo bae kacang ijo ni dak nyampe duo puluh ribu.”

Dokter (sambil kesel): “Udahlah… gratis bae..!”

Dul: “Baru cocok, baru teraso bedulur kito ni, ngomong-ngomong makmano caronyo?!!”

Dokter: “Kau baleklah sekarang, yampe di rumah kuping kau tetesi dengan banyu biaso, cak itu setrusnyo, sehari tigo kali..!”

Dul: “Gampang nian Dok, terus cak mano?!!”

Dokter: “Lamo-lamo kacang ijo tu berkecambah, nah… kalu lah panjang sampe keluar kuping baru kau tarik..!!”

Dul: ” ???????”

KELAKAR WONG PALEMBANG
Oleh: Firdaus Ali
Penerbit: Media Sobiz